Leer da muchos sueños y herramientas para cumplirlos

11 / 4 / 2018 |

Abril é un gran mes. O mes da vida, das chuvias que o fan medrar todo, o mes do meu cumpreanos e o mes dos libros. Por iso este mes heime adicar a conseguir inspirarvos a diario con novas propostas. Pero se buscades inspiración, xa podedes deixar de facelo porque a atoparedes todiña no Salón do Libro Infantil e Xuvenil de Pontevedra.

Hai un slogan que circula en imaxes e carteis en redes sociais e co que concordo parcialmente. “Ler dá soños”, “Leer te da sueños”, mais penso que o que che dá a lectura vai moito máis aló dos soños, dache tamén as ferramentas e pistas para perseguilos e mesmo alcanzalos en moitos casos. E diso ides atopar moito moitísimo no Salón do Libro Infantil e Xuvenil que se celebra até o día 29 en Pontevedra.

Todo un mes para coñecer editoriais, propostas novidosas, participar en contacontos, aprender coa escola de pais e nais novas maneiras de estimular a lectura, desfrutar coa música dos mellores grupos galegos (¡qué boísima idea a de unir libros e música!) en un montón de concertos imperdibles…

De luns a domingo, sete días á semana, atoparedes unha programación máis que apetecible. Destaco apenas catro ou cinco propostas de entre todas elas:

  • Obradoiros de podcasting literario e de booktubers. Demostramos que os libros e as novas tecnoloxías non só se poden levar ben, senón que poden facer unha estrana parella perfecta.
  • Obradoiro sobre o libro “O branco non pinta”, unha xoia da que teño que falarvos en breve.
  • Obradoiro científico “Que é isto?“, no que os participantes levarán adiante diferentes propostas baseadas nas do libro “Mauz iz io”, de Carson Ellis.
  • Isto para alén do congreso de mediación lectora, de todas as propostas que veñen da man de México, o país convidado ao evento este ano e todos os soños, as bolboretas, as ilusións, as nubes e os talentos que se agochan tras cada contacontos e presentación de libros que se programan no Pazo da Cultura de Pontevedra, pero tamén en centros de ensino, ou en outros centros colaboradores.

Non perdades o programa completo desta edición do Salón do Libro Infantil e Xuvenil que non podía ter un cartaz nin un lema que me gustasen máis “Mulleres de conto“.

Ao fin e ao cabo, se hai algo que aprendín, foi que nada pode ser mellor que ser unha muller de conto, protagonizar as súas historias, inspiralas, contalas, interpretalas, sentilas coma propias, aínda que só sexa por medio século…

Compartir:

También te puede interesar...

comunicación, casillas de apartados de correos

Vamos a preparar tu estrategia de comunicación

Aviso de spoiler, hoy vuelvo con un post profesional, una de esas cápsulas destinadas a emprededoras/es con ideas y consejos de comunicación. Una revisión del que publiqué en su día en La Escuela de Mamá. Vamos a empezar la estrategia de comunicación por el principio: LAS PERSONAS.

Vivir de vacaciones, maternidad, paternidad. Foto de Olladas Paos

Vivir de vacaciones

Mañana es mi aniversario como madre. Mañana cumple años la peque del revés y he decidido hacerle el regalo más bonito del mundo. Voy a tratar de vivir cada día como si fuese de vacaciones. Porque merece la pena intentarlo para no tener el año que viene esta sensación de tiempo “perdido”.

Vivamos en galego

De cando no norte… vivimos

Pasou o día, pasou a romería, di o refrán. Mais non hai días bos ou malos para falar dende o corazón e a alma, dende a verdade. Mil primaveras máis para a nosa lingua. Hoxe saio do armario e che pido perdón, aínda sen merecelo.

¿Te interesa colaborar con nosotros? Cuéntanos
Malas madres
Madre Esfera
Utilizamos cookies propias y de terceros. Si continuas navegando, entendemos que aceptas su uso.