Ler dá moitos soños e ferramentas para cumprilos

11 / 4 / 2018 |

Abril é un gran mes. O mes da vida, das chuvias que o fan medrar todo, o mes do meu cumpreanos e o mes dos libros. Por iso este mes heime adicar a conseguir inspirarvos a diario con novas propostas. Pero se buscades inspiración, xa podedes deixar de facelo porque a atoparedes todiña no Salón do Libro Infantil e Xuvenil de Pontevedra.

Salón do libro infantil e xuvenil 2018

Hai un slogan que circula en imaxes e carteis en redes sociais e co que concordo parcialmente. “Ler dá soños”, “Leer te da sueños”, mais penso que o que che dá a lectura vai moito máis aló dos soños, dache tamén as ferramentas e pistas para perseguilos e mesmo alcanzalos en moitos casos. E diso ides atopar moito moitísimo no Salón do Libro Infantil e Xuvenil que se celebra até o día 29 en Pontevedra.

Todo un mes para coñecer editoriais, propostas novidosas, participar en contacontos, aprender coa escola de pais e nais novas maneiras de estimular a lectura, desfrutar coa música dos mellores grupos galegos (¡qué boísima idea a de unir libros e música!) en un montón de concertos imperdibles…

De luns a domingo, sete días á semana, atoparedes unha programación máis que apetecible. Destaco apenas catro ou cinco propostas de entre todas elas:

  • Obradoiros de podcasting literario e de booktubers. Demostramos que os libros e as novas tecnoloxías non só se poden levar ben, senón que poden facer unha estrana parella perfecta.
  • Obradoiro sobre o libro “O branco non pinta”, unha xoia da que teño que falarvos en breve.
  • Obradoiro científico “Que é isto?“, no que os participantes levarán adiante diferentes propostas baseadas nas do libro “Mauz iz io”, de Carson Ellis.
  • Isto para alén do congreso de mediación lectora, de todas as propostas que veñen da man de México, o país convidado ao evento este ano e todos os soños, as bolboretas, as ilusións, as nubes e os talentos que se agochan tras cada contacontos e presentación de libros que se programan no Pazo da Cultura de Pontevedra, pero tamén en centros de ensino, ou en outros centros colaboradores.

Non perdades o programa completo desta edición do Salón do Libro Infantil e Xuvenil que non podía ter un cartaz nin un lema que me gustasen máis “Mulleres de conto“.

Ao fin e ao cabo, se hai algo que aprendín, foi que nada pode ser mellor que ser unha muller de conto, protagonizar as súas historias, inspiralas, contalas, interpretalas, sentilas coma propias, aínda que só sexa por medio século…

Compartir:

Tamén che pode interesar...

Mundo abisal, aventura no océano

Mañá, 23 de abril, é o Día do Libro e a literatura será a protagonista do noso mundo ao revés nos próximos días. Empezamos coa aventura de Virginia Romera e Patricia Saavedra. Convídote a adentrarte no océano e a desfrutar de “Mundo abisal”.

Libros con música para regalar aos máis pequenos

Unha aposta segura para estas festas, regalar libros con música. Libros para ler, mirar, desfrutar e non parar de bailar e escoitar en diferentes situacións. Tráioche unha lista con rock, jazz, música para cociñar, contos máxicos e unha radio moi moi divertida. Vés? Preséntoche a Pakolas, Radio Bule Bule, Camiños, Eu cociño, ti cociñas?, María Fumaça, as que máis molan!!

Ideas para recuperar a túa vida (ou polo menos intentalo)

Sorriso perfecto, amor infinito, todos os días a todas horas… Imposible, esgotador e totalmente insano!!! Desde O Mundo ao Revés reivindicamos nais reais, que viven (ou o intentan), bailan, toman un café con outros seres humanos e curiosamente así son moito máis felices!!!

Interésache colaborar connosco? Cóntanos
Malas madres
Madre Esfera
Utilizamos cookies propias e de terceros. Si continuas navegando, entendemos que aceptas o seu uso.